Search
"ლიბერალი" მისამართი: თბილისი, რუსთაველის 50 ტელეფონი: +995 32 2470246 ელ. ფოსტა: [email protected] Facebook: https://www.facebook.com/liberalimagazine
გაგზავნა
გაგზავნა

მხოლოდ ჰეტეროსექსუალებისთვის ფასდაკლების გამო მაღაზიები დააჯარიმეს - „თანასწორობის მოძრაობა“

22 აპრილი, 2019 20:46

„თანასწორობის მოძრაობის“ ინფორმაციით, თბილისის საქალაქო სასამართლომ სექსუალური ორიენტაციის ნიადაგზე დისკრიმინაციისთვის მაღაზიებს „დი ოჯჯი“ და TIME მორალური ზიანის ანაზღაურება დააკისრა.

როგორც გავრცელებულ განცხადებაშია აღნიშნული, საქმე შეეხება 2017 წლის 14 თებერვალს, ვალენტინობის დღესასწაულთან დაკავშირებით გამოცხადებული აქციას, რომლის ფარგლებშიც დაინტერესებულ პირს შეეძლო ესარგებლა ნივთებზე შემოთავაზებული ფასდაკლებით.

აქცია ეძღვნებოდა ვალენტინობის დღესასწაულს და აღნიშნული აქციით მაღაზიები აძლევდნენ მომხმარებლებს საჩუქრის შეძენის შესაძლებლობას საყვარელი ადამიანისა და მეორე ნახევრებისთვის. აქციის ფარგლებში მაღაზიების მომხმარებლები, მხოლოდ ქალის ან მამაკაცის პროდუქციის შეძენის შემთხვევაში, ისარგებლებდნენ შესაბამისი ფასდაკლებით.

„თორნიკე კუსიანი დაუკავშირდა აღნიშნულ მაღაზიებს და საკუთარი მამაკაცი პარტნიორისთვის საჩუქრის შეძენა დააპირა, სატელეფონო საუბრისას მოპასუხეებმა განუცხადეს რომ მხოლოდ ქალისა და მამაკაცის ნივთების შეძენის შემთხვევაში იქნებოდა შესაძლებელი აქციებით სარგებლობა და აქცია ვრცელდებოდა მხოლოდ ჰეტეროსექსუალ წყვილებზე.

თორნიკე კუსიანმა ვერ ისარგებლა აქციით და სასურველი ნივთების შეძენა განსხვავებული სექსუალური ორიენტაციის გამო ვერ შეძლო. მან მომართა „თანასწორობის მოძრაობას“ სამართლებრივი დახმარების გაწევის თხოვნით, ვინაიდან მიიჩნია რომ ადგილი ჰქონდა მის მიმართ დისკრიმინაციულ მოპყრობას

„თანასწორობის მოძრაობის” შეფასებით, მსგავს პირობებში მყოფ პირებთან შედარებით, იგი მოექცა უარეს მდგომარეობაში რამდენადაც მოპასუხემ არ გაითვალისწინა განსხვავებული სექსუალური ორიენტაციის მქონე პირების მოთხოვნილებები და ამ აქციით ყოველგვარი დასაბუთების გარეშე მოაქცია ის დისკრიმინაციულ გარემოში ჰეტეროსექსუალ წყვილებთან შედარებით“,-ნათქვამია გავრცელებულ განცხადებაში. 

მათი თქმით, სასამართლომ გაითვალისწინა „თანასწორობის მოძრაობის“ დასაბუთება და „დი ოჯჯი“ და TIME 100-100 ლარით დააკისრა მორალური ზიანის ანაზღაურება.

კომენტარები

ამავე რუბრიკაში

22 აგვისტო
22 აგვისტო

მკაფიოდ ვაფიქსირებ, რომ ყველაფერს გავაკე ...

,,რუსთავი 2-ის’’ მფლობელმა ქიბარ ხალვაშმა განცხადება გაავრცელა, რომელსაც ,,ლიბერალი’’ უცვლე ...
22 აგვისტო
22 აგვისტო

ვინ და რატომ „დატროლა" მედია ?

19 აგვისტოს, მედიასაშუალებებს „საქართგელოს მთავრობის“ სახელით, ელექტრონული ფოსტით - [email protected] ...
22 აგვისტო
22 აგვისტო

აბონენტის უპასუხისმგებლობა და აფეთქების ...

კომპანია „თბილისის ენერჯის“ ცხელ ხაზზე ნაძალადევის რაიონიდან შემოვიდა შეტყობინება, რომ მანჯგალაძის ქუჩის #31 ...
^