პრეზიდენტის პრესსპიკერის, ხატია მოისწრაფიშვილის განცხადებით, პრეზიდენტის ადმინისტრაციის ხელმძღვანელის თანამდებობაზე ლაშა ჟვანია იმ პირობით მივიდა, რომ მას შემდეგ, რაც მენეჯმენტი დალაგდებოდა, უკან დაბრუნდებოდა.
მოისწრაფიშვილმა უარყო გავრცელებული ინფორმაცია, თითქოს ჟვანიას გადადგომის მიზეზი პრეზიდენტთან დაპირისპირება და კონფლიქტი გახდა.
„დაპირისპირება არ არის. ყველასთვის ცნობილია, რომ ბატონი ლაშა, საქართველოს პრეზიდენტის ადმინისტრაციაში მოვიდა საპატრიარქოდან, სადაც 8 წელზე მეტ ხანს მუშაობდა და ის მოვიდა იმ პირობით, რომ გარკვეული დროის შემდეგ, რაც აქ დალაგდებოდა მენეჯმენტი, შეძლებდა უკან დაბრუნებას“, - განაცხადა ხატია მოისწრაფიშვილმა.
