ლევან კობერიძე საპარლამენტო უმრავლესობას ტოვებს. ამის შესახებ მან ჟურნალისტებს განუცხადა. როგორც ლევან კობერიძემ აღნიშნა, მისი გადაწყვეტილება „საერთო სასამართლოების შესახებ“ კანონპროექტს უკავშირდება.
ლევან კობერიძე ამბობს, რომ საქმიანობას დამოუკიდებელი დეპუტატის რანგში გააგრძელებს.
„საერთო სასამართლოების შესახებ“ კანონპროექტს კენჭი დღეს უყარეს და პარლამენტმა კანონპროექტი მესამე მოსმენით დაამტკიცა. პროექტს მხარი 87-მა დეპუტატმა დაუჭირა, 33 წინააღმდეგი იყო.
