იუსტიციის მინისტრმა თეა წულუკიანმა ჟურნალისტებთან „რუსთავი 2-ის“ საქმესთან დაკავშირებით ისაუბრა.
მისი თქმით, რაც უნდა უკმაყოფილო იყოს ერთ-ერთი მფლობელი სხვა მფლობელებთან მიმართებაში და ჰქონდეს სამართლებრივი პრეტენზიები, სტრასბურგის სასამართლოს კომპანიის საქმეზე მიღებული აქვს ე.წ. შეჩერების გადაწყვეტილება, რომელიც ძალაში არის ისევ.
წულუკიანის თქმით, ვერავითარი ცვლილება მენეჯმენტში ამ გადაწყვეტილების ფონზე ვერ გატარდება.
„მე ვფიქრობ, რომ რაც არ უნდა უკმაყოფილო იყოს „რუსთავი 2-ის" როგორც კომპანიის ერთ-ერთი მესაკუთრე ქალბატონი ნიჟარაძე სხვა მესაკუთრეებით, ან არ მოსწონდეს, ან სამართლებრივი პრეტენზიები და არგუმენტები ჰქონდეს მისივე კუთვნილი კომპანიის ხელმძღვანელობასთან, მთავარი არის ის, რომ ყველას კარგად გვახსოვდეს, ყველას კარგად გვესმოდეს, ორი წელია, რაც სტრასბურგის სასამართლომ ე.წ. შეჩერების გადაწყვეტილება, ანუ დროებითი ღონისძიება მიიღო, ეს გადაწყვეტილება არის დღესაც ძალაში და ვერავითარი ტრანზაქცია, იქნება ეს საჯარო რეესტრი, იუსტიცის სამინისტროს რომელიმე სხვა სსიპი, ან რომელიმე სხვა საჯარო დაწესებულება აღმასრულებელი ხელისუფლების ფარგლებში ვერანაირ ნაბიჯს ვერ გადადგამს, მანამ სანამ შეჩერების ეს გადაწყვეტილება არის ძალაში და მანამ სანამ სტრასბურგის სასამართლო არ გამოიტანს გადაწყვეტილებას,“ - აცხადებს თეა წულუკიანი.
წულუკიანს კარგად ესმის სტრასბურგის გადაწყვეტილების სავალდებულობა - თამთა მურადაშვილი
