საქართველოს პრეზიდენტი სალომე ზურაბიშვილი ფაშიზმზე გამარჯვების დღის აღსანიშნავად ვაკის პარკში მივიდა და უცნობი ჯარისკაცის საფლავი ყვავილებით შეამკო.
სალომე ზურაბიშვილმა ვეტერანებს გამარჯვება მიულოცა და თქვა, რომ ეს დღე უნდა ეძღვნებოდეს ყველა იმ ადამიანის ხსოვნას, რომლებიც იბრძოდნენ საქართველოსთვის როგორც ერთ, ისე მეორე მხარეს - ნაცისტური გერმანიისა თუ საბჭოთა კავშირის წინააღმდეგ, რადგან ყველა მათგანს სჯეროდა, რომ ჩვენი ქვეყნისთვის იბრძოდა.
„ყველა ქართველს სჯეროდა, რომ იბრძოდნენ თავისუფლებისა და თავიანთი ქვეყნის დამოუკიდებლობისთვის. ყველა მათგანს, სადაც არ უნდა ყოფილიყვნენ ომის დასასრულს.
აქ, თუ გერმანელებთან ტყვეებად ჩავარდნილები, თუ ემიგრანტები, რომლებიც თავიანთი გაგებით იბრძოდნენ საბჭოთა დამპყრობლების წინააღმდეგ. ყველა დაიღუპა საქართველოსთვის და მე მინდა, რომ იყოს მათი ხსოვნა და პატივისცემა დღეს“, - თქვა ვაკის პარკში მისვლის შემდეგ სალომე ზურაბიშვილმა.