ზუგდიდში, დადიანიანების სასახლის ეზოში ქალაქის მერობის კანდიდატს, სანდრა რულოვსს გადაღებაში ხელი შეუშალეს. აღნიშნულზე ფაქტზე როგორც „ლიბერალს“ შსს-ში განუცხადეს, გამოძიება სისხლის სამართლის კოდექსის 126-ე მუხლით (ძალადობა) არის დაყწებული.
უწყებაში არ დაუკონკრეტებიათ დააკავეს თუ არა ინციდენტში მონაწილე პირები.
„ძალიან უხეშად მოვიდნენ გინებით. არ გვამუშავეს. ჩვენ აქ გადაღება გვქონდა სასახლის თემაზე, მოცვივდნენ, გინებაზე გადავიდნენ და ჩხუბზე. ჟურნალისტსა და ფოტოგრაფს დასდევდნენ. ჩვენ პოლიციას დავურეკეთ. 12 წუთი გრძელდებოდა ეს ამბავი და არავინ არ მოსულა. ახლა მოვიდნენ, როცა ისინი უკვე აქ აღარ არიან", –ამბობს სანდრა რულოვსი ვიდეოში, რომელიც „ლიბერალს“ ადგილობრივმა სტუდენტმა, მინდია გაბაძემ მიაწოდა.
