Search
"ლიბერალი" მისამართი: თბილისი, რუსთაველის 50 ტელეფონი: +995 32 2470246 ელ. ფოსტა: [email protected] Facebook: https://www.facebook.com/liberalimagazine
გაგზავნა
გაგზავნა

ქობულია: საჭიროა ტოპ 500 საჯარო მოხელისთვის ხელფასის გაზრდა, რომ კარგი კადრები გვყავდეს

15 მაისი, 2019 14:09

ეკონომიკის ყოფილი მინისტრის, გიორგი ქობულიას თქმით, საჯარო სექტორში ერთ-ერთი მნიშვნელოვანი პრობლემაა საჯარო მოხელეების ხელფასი და კვალიფიკაცია. ქობულიას თქმით, მინისტრობისას მას სურდა, საჯარო სექტორში კვალიფიცური კადრები მოეზიდა, რისთვისაც პირველ რიგში ტოპ 500 მოხელისთვის ხელფასის გაზრდა იყო საჭირო.

ეკონომიკის ყოფილი მინისტრი მიიჩნევს, რომ, ამ მხრივ, საჯარო სექტორმა კერძო სექტორს კონკურენცია უნდა გაუწიოს და ხელფასის ზრდა არათუ შეასუსტებს ეკონომიკას, პირიქით დააჩქარებს ზრდის ტემპს.

„რაც არ უნდა გავაკეთოთ ცენტრალურ მთავრობაში, ვინც არ უნდა დავნიშნოთ მინისტრად ან მინისტრის მოადგილედ, მუნიციპალურ და ცენტრალურ მთავრობაში თუ არ გვეყოლება კვალიფიციური ხალხი, ვერ მოხდება ეკონომიკური ზრდის ტემპის აწევა. 

ხალხი ზოგჯერ გადაწყვეტილებას ვერ იღებს იმის გამო, რომ არ ჰყოფნის კვალიფიკაცია. ადამიანს, რომელსაც აქვს 500-700 ლარი ხელფასი და ჩვენ დავაკისრებთ, რომ გადაწყვეტილება მიიღოს 100 000-იან და 300 000-იან პროექტებზე, დაფიქრდით, რა მოტივაცია უნდა ჰქონდეს იმ ადამიანს, რომ ეს გადაწყვეტილება მიიღოს“, - განაცხადა პარლამენტის წევრებთან შეხვედრისას ეკონომიკის ყოფილმა მინისტრმა.

გიორგი ქობულიას თქმით, ბევრ პოზიციაზე დღეს საჯარო სექტორში კვალიფიკაციის ნაკლებობაა, რადგან მაღალი დონის პროფესიონალები კერძოდან საჯარო სექტორში ბევრად ნაკლები ხელფასის პირობებში არ გადავლენ. არადა, საწყის ეტაპზე საჭირო იყო ტოპ 500 მოხელის პოზიციაზე მაინც მიეზიდათ კვალიფიცური კადრები.

„ადამიანი, რომელიც 3-ჯერ ნაკლებს მიიღებს სახელმწიფო სტრუქტურაში, ძალიან საეჭვოა, თუ ის კვალიფიცურია, რატომ უნდა მოვიდეს სახელმწიფო სტრუქტურაში სამუშაოდ. ამისთვის ჩვენ უნდა მივუახლოვოთ მათი ხელფასი კერძო სექტორისას, რომ გავუწიოთ კონკურენცია.

ეს ბევრმა ქვეყანამ გააკეთა დიდი წარმატეიბთ, მაგალითად, სინგაპურმა. ამისთვის გვქონდა დონორების მხარდაჭერაც და ეს პროექტი ერთ-ერთი ყველაზე ეფექტიანი იქნებოდა ეკონომიკური ზრდისთვისაც“, - განაცხადა გიორგი ქობულიამ.

ქობულია საკანონმდებლო ორგანოში პარლამენტის დამოუკიდებელი დეპუტატების მიწვევით მივიდა. დღის წესრიგით, ქობულია ჯერ რვათვიანი ანგარიშის პრეზენტაციას წარუდგენს პარლამენტის წევრებს, შემდეგ კი მათ შეკითხვებს უპასუხებს.

კომენტარები

ამავე რუბრიკაში

23 მაისი
23 მაისი

დონალდ ტრამპი მამუკა ბახტაძეს საქართველო ...

ამერიკის შეერთებული შტატების პრეზიდენტი საქართველოს პრემიერ-მინისტრ მამუკა ბახტაძეს დამოუკიდებლობის დღეს ულოცავს. საქარ ...
23 მაისი
23 მაისი

ევროპა ლიგის ფინალმა აზერბაიჯანში ადამია ...

საერთაშორისო უფლებადაცვითი ორგანიზაცია Amnesty International-ის დიდი ბრიტანეთის ოფისი აზერბაიჯანში ევროპა ლიგის ფინ ...
23 მაისი
23 მაისი

7 თვის ჩვილის მკვლელობაში ბრალდებულ დედა ...

კასპის მუნიციპალიტეტის სოფელ აღაიანში 7 თვის ჩვილის მკვლელობაში ბრალდებულ არასრულწლოვან დედას (მ.შ.-ს) გორის რაიონ ...
^