ზუგდიდის საოლქო საარჩევნო კომისიის თავმჯდომარე თამარ ჟვანიასთან ნათესაურ კავშირზე  „რუსთავი 2-ის“ მიერ დასმულ შეკითხვას არ პასუხობს. „კურიერის“ ინფორმაციით, მირანდა მესხი ცენტრალური საარჩევნო კომისიის თავმჯდომარის შვილის ნათლიაა. მისივე თქმით, თამარ ჟვანია სანამ ცესკო-ს თავმჯდომარე გახდებოდა, ცენტრალური საარჩევნო კომისიის თანამშრომელი იყო.

ზუგდიდის საოლქო საარჩევნო კომისიის თავმჯდომარემ აღნიშნა, რომ ყველა ყველას ნათესავია, მათ შორის ის „რუსთავი 2-ის“ ჟურნალისტის ნათესავიც გამოდის.

„არანაირად კომენტარს აღარ გავაკეთებ. ეს არ არის ამ ეტაპისთვის საინტერესო თემა. ყველა ერთმანეთის ნათესავია, ბატონებო და ქალბატონებო. A თუ B-ს ნათესავი, B თუ C-ს ნათესავია, ამ შემთხვევაში A და C ერთმანეთის ნათესავია. ამ ეტაპზე მე თქვენი ნათესავიც ვარ, ვინაიდან ამ ურთიერთობიდან გამომდინარე, რამდენი წელია, ჩემთან ურთიერთობთ,“ - განაცხადა მირანდა მესხმა.