არასამთავრობო ორგანიზაცია „თანასწორობის მოძრაობა“ აცხადებს, რომ დღეს, 17 მაისს, ჰომოფობიასა და ტრანსფობიასთან ბრძოლის საერთაშორისო დღეს მომეტებული საფრთხის თავიდან აცილების მიზნით, არ გეგმავს არც ერთი მანიფესტაციის ან საჯარო შეკრების ორგანიზებას.
„თანასწორობის მოძრაობა” არ აპირებს არც ერთ აქციაში მონაწილეობას. უსაფრთხოების მიზნებიდან გამომდინარე, „თანასწორობის მოძრაობა” მოუწოდებს ბენეფიციარებს, რომ თავი შეიკავონ დღეს იმ სერვისების მიღებისგან, რომელსაც აწვდის ორგანიზაცია ლგბტქი+ თემის წევრებს.
ორგანიზაციის სოციალური მუშაკები და იურისტები 24-საათიან რეჟიმში ხაზზე არიან, რათა დაეხმარონ თემის წევრებს იმ შემთხვევაში, თუ ისინი გახდებიან დამამცირებელი/დისკრიმინაციული მოპყრობის მსხვერპლნი ან მათ მიმართ აღინიშნება ფიზიკური ძალადობა ან ზეწოლა“, - აცხადებს „თანასწორობის მოძრაობა“.