ზესტაფონის მერობის კანდიდატის, გოგი წულაიას გამოსახულებიანი მაისურით სოფელ პირველ სვირის ერთ-ერთ უბანზე დამკვირვებელი მივიდა. დამკვირვებელი კომისიის წევრების მოთხოვნას, ამ ფორმით არ ყოფილიყო, არ დაემორჩილა, რის გამოც მდგომარეობა დაიძაბა და პატრულის გამოძახება გახდა საჭირო.
სამართალდამცველებმა დამკვირვებელი დაუმორჩილებლობის ბრალდებით დააკავეს. დაკავებული დამკვირვებელი ასევე ამბობდა, რომ სიაში, ე.წ. მკვდარი სულები აღმოაჩინა.
საარჩევნო უბანზე განვითარებული მოვლენების შესახებ „რუსთავი 2-თან“ გოგი წულაიამ ისაუბრა.
„უყურებთ, აქ ბალაგანია, ამას ხომ არჩევნები არ ჰქვია და ჩვენი კოორდინატორი, რომელმაც სიებში მკვდარი სულები აღმოაჩინა, იყო ამაზე პროტესტი. ამას მოჰყვა შეკამათება. პატრული ამათია, დაურეკეს პატრულს და დააკავეს, ვითომ რაღაცისთვის და გადაჰყავთ სასამართლოში. სიტყვიერი შეხლა-შემოხლა იყო. იციან, რომ ამ სოფელს ვიგებ და ყველაფერს აკეთებენ ამისთვის. წინასწარ ვამბობდი, სვირში არის მობილიზებული თუ ვინმე თანამდებობის პირია ამ ქვეყანაში, თუ ვინმე ეშოვებათ და ამ სოფლიდან არის, ყველა მობილიზებულია, ყველა დატერორებული არის“, - განაცხადა გოგი წულაიამ.
-----
დღეს, თბილისში, №1 მაჟორიტარულ საარჩევნო ოლქში საქართველოს პარლამენტის შუალედური არჩევნები იმართება.
გარდა ამისა, მარნეულის, ზესტაფონის, ჭიათურის, ზუგდიდისა და ხულოს მუნიციპალიტეტების მერების რიგგარეშე და საგარეჯოს, ახმეტის, ადიგენის, ზესტაფონის, ჭიათურის, ტყიბულის, წყალტუბოსა და ოზურგეთის მუნიციპალიტეტების ადგილობრივ მაჟორიტარულ საარჩევნო ოლქებში საკრებულოების შუალედური არჩევნები ტარდება.
მთაწმინდაზე სულ 43,908 ამომრჩეველია და 31 საარჩევნო უბანია.
მარნეული - 99,717 51 ამომრჩეველია, 90 საარჩევნო უბანია;
ზესტაფონი - 54,943 56 ამომრჩეველი; 53 საარჩევნო უბანი;
ჭიათურა - 42,896 67 ამომრჩეველი; 58 საარჩევნო უბანი;
ზუგდიდი - 120,837 84 ამომრჩეველი; 107 საარჩევნო უბანი;
ხულო - 24,123 ამომრჩეველი; 54 საარჩევნო უბანია:
კანდიდატები
მთაწმინდაზე სულ 20 კანდიდატია, მათგან ევროპული საქართველო ‐ თავისუფალი დემოკრატები” შალვა შავგულიძე. „გირჩი” - გერმანე საბო; კობა დავითაშვილი; სოფიო ხორგუანი; გრიგოლ გეგელია.
მარნეულში 15 კანდიდატია: „ქართული ოცნება ‐ დემოკრატიული საქართველო” ზაურ დარგალი; „ერთიანი ნაციონალური მოძრაობა ‐ გაერთიანებული ოპოზიცია” აგილ მუსტაფაევი; ევროპული საქართველო ‐ მოძრაობა თავისუფლებისთვის აკმამედ იმამკულიევი.
ზესტაფონი - „ერთიანი ნაციონალური მოძრაობა ‐ გაერთიანებული ოპოზიცია” ბაქარი ხიჯაკაძე; „დავით თარხან‐მოურავი, ირმა ინაშვილი ‐ საქართველოს პატრიოტთა ალიანსი” ანზორ ნებიერიძე; „ქართული ოცნება ‐ დემოკრატიული საქართველო” გიორგი გოგლიჩიძე.
ჭიათურაში 13 კანდიდატია - „ქართული ოცნება ‐ დემოკრატიული საქართველო” გივი მოდებაძე; საინიციატივო ჯგუფი დავით ჭუმბურიძე;
ზუგდიში სულ 16 კანდიდატია - ერთიანი ნაციონალური მოძრაობა ‐ გაერთიანებული ოპოზიცია” სანდრა ელისაბედ რულოვს; „ქართული ოცნება ‐ დემოკრატიული საქართველო” გიორგი შენგელია.
ხულოში 14 კანდიდატია - „ერთიანი ნაციონალური მოძრაობა ‐ გაერთიანებული ოპოზიცია” ირაკლი ჯორბენაძე; „ქართული ოცნება ‐ დემოკრატიული საქართველო” ვახტანგ ბერიძე.