„მე მინდა, ერთი რჩევა მივცე ქალბატონ სანდრას, რომელიც ჩვენი კანდიდატის ოპონენტი იყო: დაისვენეთ. მიხედოს თავის მეუღლეს და ჩვენ მივხედავთ ჩვენს ქვეყანას“, – ამის შესახებ პარტია „ქართული ოცნების“ პოლიტიკურმა მდივანმა, ყოფილმა პრემიერ-მინისტრმა ირაკლი ღარიბაშვილმა განაცხადა.
ღარიბაშვილმა ასევე აღნიშნა, რომ მან დღეს მოისმინა შენიშვნები, რადგან სხვა რეგიონებიდან პოლიციის უფროსები იყვნენ ჩასულები ზუდიდში. მისი თქმით, ოპოზიციას 5 000 აქტივისტი ჰყავდათ ჩაყვანილი ზუგდიდში და აქედან გამომდინარე, სახელმწიფო ხედავდა გარკვეულ რისკებს.
„სახელმწიფო ხედავდა გარკვეულ თეორიულ რისკებს, რომ ჩვენს ოპონენტებს მათი ხასიათიდან გამომდინარე გარკვეული დესტრუქცია და დაძაბულობა შეეტანათ. მე მინდა, ერთი რჩევა მივცე ქალბატონ სანდრას, რომელიც ჩვენი კანდიდატის ოპონენტი იყო: დაისვენეთ. მიხედოს თავის მეუღლეს და ჩვენ მივხედავთ ჩვენს ქვეყანას“, – განაცხადა ირაკლი ღარიბაშვილმა.