NDI-მ საქართველოში საზოგადოების განწყობა გამოიკვლია. 2019 წლის აპრილის გამოკითხვის შედეგების მიხედვით, მოსახლეობის 56% მთავრობის საქმიანობას უარყოფითად აფასებს. დეკემბერში ასე ფიქრობდა 53%, მარტში - 49%.
რაც შეეხება ლიდერების საქმიანობის შეფასებას, თბილისის მერის, კახა კალაძის საქმიანობას 10% ძალიან კარგად აფასებს, 33% - კარგად, 30% - საშუალოდ, 16% - ცუდად, 7% - ძალიან ცუდად.
პრეზიდენტის, სალომე ზურაბიშვილის საქმიანობას 1% აფასებს ძალიან კარგად, 19% - კარგად, 38% - საშუალოდ, 21% - ცუდად, 9% - ძალიან ცუდად.
პრემიერ მამუკა ბახტაძის საქმიანობას 3% ძალიან კარგად აფასებს, 17% - კარგად, 44% - საშუალოდ, 17% - ცუდად, 5% - ძალიან ცუდად.
პარლამენტის თავჯდომარე ირაკლი კობახიძის საქმიანობას 2% ძალიან კარგად აფასებს, 14% - კარგად, 38% - საშუალოდ, 25% - ცუდად, 8% - ძალიან ცუდად.
კვლევა 2019 წლის 28 მარტი-15 აპრილის პერიოდში, საქართველოს მასშტაბით 2,927 პირისპირი ინტერვიუს წარმომადგენლობითი შერჩევის საფუძველზე, ქვეყნის ქართულ, სომხურ და აზერბაიჯანულენოვან სრულწლოვან მოსახლეობას შორის ჩატარდა (ოკუპირებული ტერიტორიების გამოკლებით). კვლევა ასევე წარმომადგენლობითია აზერბაიჯანული და სომხური დასახლებებისთვის. გამოკითხვის საშუალო ცდომილების
ზღვარი არის +/- 2.3 პროცენტი.