NDI-მ საქართველოში საზოგადოების განწყობა გამოიკვლია. 2019 წლის აპრილის გამოკითხვის შედეგების მიხედვით, მოსახლეობის 56% მთავრობის საქმიანობას უარყოფითად აფასებს. დეკემბერში ასე ფიქრობდა 53%, მარტში - 49%.  

დადებითი დამოკიდებულება გაქვთ თუ უარყოფითი შემდეგი ლიდერებისა და პოლიტიკური ფიგურების მიმართ - ამ შეკითხვაზე გამოკითხულთა უარყოფითი დამოკიდებულება შემდეგმა პირებმა მიიღეს: 

1. ბიძინა ივანიშვილი - 39%-ს მის მიმართ უარყოფითი დამოკიდებულება აქვს 21%-ს კი დადებითი; 

2. ზურაბ ჯაფარიძე - 35% უარყოფითი, 9% - დადებითი; 

3. ეკა ბესელია - 33% უარყოფითი, 15% - დადებითი; 

4. ნიკა მელია - 33% უარყოფითი, 22% - დადებითი; 

5. მიხეილ სააკაშვილი - 32% უარყოფითი, 31% - დადებითი; 

6. ირმა ინაშვილი - 31% უარყოფითი, 21% - დადებითი; 

7. ნინო ბურჯანაძე - 30% უარყოფითი, 19% - დადებითი; 

8. ირაკლი კობახიძე - 29% უარყოფითი, 20% - დადებითი; 

9. გრიგოლ ვაშაძე - 28% უარყოფითი, 28% - დადებითი; 

10. სალომე ზურაბიშვილი - 27% უარყოფითი, 28% დადებითი. 

კვლევა 2019 წლის 28 მარტი-15 აპრილის პერიოდში, საქართველოს მასშტაბით 2,927 პირისპირი ინტერვიუს წარმომადგენლობითი შერჩევის საფუძველზე, ქვეყნის ქართულ, სომხურ და აზერბაიჯანულენოვან სრულწლოვან მოსახლეობას შორის ჩატარდა (ოკუპირებული ტერიტორიების გამოკლებით). კვლევა ასევე წარმომადგენლობითია აზერბაიჯანული და სომხური დასახლებებისთვის. გამოკითხვის საშუალო ცდომილების
ზღვარი არის +/- 2.3 პროცენტი.