დღეს, 3000-ზე მეტი ჭიათურელი მაღაროელის გაფიცვის მე-13 დღეს, საპროტესტო აქციებს სკოლის მოსწავლეების ნაწილიც შეუერთდა. ასევე, როგორც ადგილობრივები „ლიბერალთან“ აცხადებენ, დაკეტილია სასურსათო მაღაზიების ნაწილი, მაღაზიის თანამშრომლები კი აქციას უერთდებიან.
რამდენიმე დღის წინ გაფიცულებს სოლიდარობა სკოლებისა და ბაღების მასწავლებლებმაც გამოუცხადეს, ასევე მძღოლებმა და ტყიბულელმა მეშახტეებმა.
15-მდე გაფიცული მე-11 დღეა შიმშილობს. ისინი ხელფასის გაზრდას, ჯანდაცვის პაკეტის გაუმჯობესებას და ეკოლოგიურ გარემოზე ზრუნვას მოითხოვენ. კომპანია „ჯორჯიან მანგანეზმა“ გაფიცვას უკანონო უწოდა და განაცხადა, რომ აპირებს სასამართლოს მიმართოს.
