ჟურნალისტი ზაზა სვანაძე საქალაქო სასამართლოს დარბაზიდან გირაოს სანაცვლოდ პატიმრობიდან გათავისუფლდა.
„ლიბერალს“ თბილისის საქალაქო სასამართლოში განუცხადეს, რომ მას 5 000 ლარი შეეფარდა და სვანაძემ ის 7 დღის განმავლობაში უნდა გადაიხადოს. შემდეგი სხდომა 14 ივლისს გაიმართება.
გამოძიება სისხლის სამართლის კოდექსის 151-ე (მუქარის) მუხლით მიმდინარეობს.
ზაზა სვანაძის მიმართ პროკურატურამ გამოძიება ორ ეპიზოდზე დაიწყო, ერთ-ერთი ნავთობისა და გაზის კორპორაციის საზოგადოებასთან ურთიერთობის ხელმძღვანელის, ნინო ჯღარკავას შვილის მიმართ მუქარის ბრალდებაა, რისთვისაც ჟურნალისტი 20 აპრილს დააკავეს.
ადვოკატის განმარტებით, მეორე ეპიზოდი ეხება ჟურნალისტ ნინო არღვლიანს. ამ შემთხვევაშიც მუქარაა ბრალდება. ალექსანდრე კობაიძის თქმით, საქმის მასალების მიხედვით, გამოძიების ეტაპზე დაკითხულია ნანა ლეჟავა, რომელიც აღწერს, თუ რას განიცდიდა ნინო არღვლიანი ზაზა სვანაძის მხრიდან მუქარის შემცველი პოსტების გამო.