„ღიმილის მომგვრელია, როდესაც ინტელექტუალურ ოპოზიციას, კრიმინალების დახმარების ასეთი ისტორიების მოგონების გარდა, სხვა არგუმენტი არ გააჩნია იმისთვის, რომ არჩევნებში ღირსეულად იბრძოლოს“, - ამის შესახებ შსს-ს მინისტრმა გიორგი გახარიამ ოპოზიციის მიერ დღეს გაკეთებული განცხადებების საპასუხოდ ჟურნალისტებს განუცხადა.
“როგორც ვიცი, იყო რამდენიმე წვრილმანი შემთხვევა, სადაც პოლიციამ შესაბამისი რეაგირება მოახდინა. დღის ბოლოს გვექნება სრული ინფორმაცია, არის თუ არა ეს ისეთი სიმძიმის დანაშაულები, რომლებზეც გამოძიება დაიწყება”, - აღნიშნა გახარიამ.
დღეს მთაწმინდის ოლქში საპარლამენტო არჩევნების მეორე ტური მიმდინარეობს. მეორე ტურში ორი კანდიდატი გადავიდა. "ქართული ოცნების" კანდიდატი ლადო კახაძე და "ევროპული საქართველოს" და "თავისუფალი დემოკრატების" ბლოკის კანდიდატი - შალვა შავგულიძე.
საარჩევნო უბანთან მომხდარ ინციდენტზე შსს-მ გამოძიება დაიწყო
„უფრო იუმორისტულ ვიდეოს ჰგავს" - თალაკვაძე ამომრჩეველზე სავარაუდო ზეწოლის ამსახველი კადრებზე