მთაწმინდის ოლქში პარლამენტის შუალედური არჩევნების მეორე ტურში, დათვლილი უბნების მიხედვით „ქართული ოცნების“ მაჟორიტარობის კანდიდატი ლადო კახაძე ლიდერობს. მთაწმინდის ოლქში სულ 31 უბანია. ცესკოს ვებგვერდზე ამ დროისთვის ატვირთულია 17 უბნის მონაცემები. ყველა მათგანში ლადო კახაძე ლიდერობს.
ცესკოს 20:00 საათის მონაცემებით, არჩევნებში აქტივობა 41,23%-ია, პირველ ტურში აქტივობა 34,27% იყო.
მთაწმინდის ოლქში პარლამენტის შუალედური არჩევნების პირველ ტურში ლადო კახაძემ 41.28% მიიღო, ხოლო „ევროპული საქართველოსა" და „თავისუფალი დემოკრატების" ბლოკის კანდიდატმა შალვა შავგულიძემ 36.72%.