შსს-ს ინფრომაციით, თუშეთში ავტომობილის მძღოლმა ავტომანქანა ვერ დაიმორჩილა და ხევში გადავარდა. მათი თქმით, გარდაცვლილია ავტომობილის მძღოლი და დაშავებულია ერთი ადამიანი; ისინი საქართველოს მოქალაქეები არიან. 

„შინაგან საქმეთა სამინისტროს კახეთის პოლიციის დეპარტამენტმა  ფშაველი-ომალოს მე-18 კმ-ზე მომხდარ ავტოსაგზაო შემთხვევასთან დაკავშირებით  გამოძიება სისხლის სამართლის კოდექსის 276-ე მუხლის მე-5 ნაწილით დაიწყო. 

სავარაუდოდ, ავტომობილის მძღოლმა ვერ დაიმორჩილა ავტომანქანა, გადავიდა გზის სავალი ნაწილიდან და გადავარდა ხევში. ავტოსაგზაო შემთხვევის შედეგად გარდაცვლილია ავტომობილის მგზავრი - 1984 წელს  დაბადებული მამაკაცი, საქართველოს მოქალაქე. აღნიშნული ავტომობილის მძღოლი; 
დაშავებულია საქართველოს მოქალაქე, რომელიც გადაყვანილია  საავადმყოფოში. 

ადგილზე იმყოფებიან პოლიციის და სამაშველო სამსახურის თანამშრომლები. მიმდინარეობს საგამოძიებო მოქმედებები“, - ნათქვამია გავრცელებულ განცხადებაში.