რამდენიმე წუთის წინ ოპოზიციური პარტიების ლიდერებმა თათბირი დაასრულეს. „ევროპული საქართველოს“ ერთ-ერთმა ლიდერმა გიგი უგულავამ პარლამენტის წინ განაცხადა, რომ თუკი პარლამენტის თავმჯდომარე - ირაკლი კობახიძე, შს მინისტრი - გიორგი გახარია და სუს-ის ხელმძღვანელი - ვახტანგ გომელაური თანამდებობებს არ დატოვებენ, დაიწყება სამოქალაქო დაუმორჩილებლობა და ასე მიაღწევენ რიგგარეშე პროპორციულ არჩევნებს.
„თქვენ აქ არცერთ პარტიას არ მოუყვანიხართ, აქ მოგიყვანათ საკუთარმა ღირსებამ. მათი მხრიდან არის კვლავ სიჩუმე, რადგან მათ სათქმელი არაფერი აქვთ. საქართველოში ცვლილებების დრო დადგა. ცვლილებები ხდება არჩევნებით, ან შეასრულებთ ამ მოთხოვნებს, ან მიიღებთ რიგგარეშე პროპორციულ არჩევნებს. დაიწყება სამოქალაქო დაუმორჩილებლობა“, - განაცხადა გიგი უგულავამ.
პარლამენტთან მოქალაქეები რუსეთის დუმის დეპუტატის სერგეი გავრილოვის საკანონმდებლო ორგანოს ტრიბუნაზე გამოჩენას აპროტესტებენ. ხალხის სიმრავლის გამო რუსთაველის გამზირი გადაკეტილია.
