„გადადგომას არ აფასებენ, ეს არის მისი გადაწყვეტილება", - განაცხადა პოლონეთში ვიზიტით მყოფმა სალომე ზურაბიშვილმა, საქართველოს მთავრობაში ცვლილებებთან დაკავშირებით.
პრეზიდენტმა არც პრემიერის საქმიანობა შეაფასა. მისი თქმით, პრემიერის ქმედებები და მისი მოღვაწეობა, ქართულმა პოლიტიკურმა ელიტამ და პოლიტიკურმა პარტიებმა უნდა შეაფასონ.
„რაც შეეხება ახალი პრემიერის დანიშვნას, უნდა დაველოდოთ და მე პირადად დაველოდები, ჩავალ თბილისში. საერთოდ მივიჩნევ, რომ შიდაპოლიტიკურ მოვლენებზე პრეზიდენტები არ აკეთებენ განცხადებებს საზღვარგარეთ. უნდა ჩავიდე, გავიგო, რა ვითარება არის, შემდეგ შეიძლება განცხადებებისა და შეფასებების გაკეთება", - განაცხადა ზურაბიშვილმა.
პრემიერ-მინისტრმა მამუკა ბახტაძემ თანამდებობა დღეს, 2 სექტემბერს, დატოვა. მან ამის შესახებ განცხადება „ფეისბუქის" საშუალებით გაავრცელა.
