მასწავლებლის ეროვნული ჯილდოს 5 ფინალისტი ცნობილია. ხუთეულის წევრები არიან:

გიორგი ჭაუჭიძე - მარნეულის მე-2 საჯარო სკოლის ქართული ენისა და ისტორიის მასწავლებელი;

ნათია კურტანიძე - გორის მუნიციპალიტეტის, სოფელ ქვეშის, საჯარო სკოლის დაწყებითი საფეხურის და ტექნოლოგიების მასწავლებელი;

მაია მენაბდე - ბათუმის მე-3 საჯარო სკოლისა და კერძო სკოლა „შპს განათლება", ქართული ენისა და ლიტერატურის მასწავლებელი.

თამარ ადამია - დმანისის მუნიციპალიტეტის სოფელ მაშავერისა და თბილისის 26-ე საჯარო სკოლის სახვითი და გამოყენებითი ხელოვნების პედაგოგი. 

ქეთევან მერებაშვილი - გეოგრაფიის პედაგოგი სკოლა ლიცეუმში „პრომეთე”.

„მასწავლებლის ეროვნული ჯილდოს“ კონკურსი, გლობალური კამპანიის ნაწილია და მიზნად ისახავს წარმატებული მასწავლებლების გამოვლენას, საზოგადოებისთვის გაცნობას და ამ გზით პროფესიის პრესტიჟის ზრდას.