შვიდი თვის ჩვილის მკვლელობაში მსჯავრდებული არასრულწლოვანი გოგონას მეუღლეს, 21 წლის მიხეილ დვალიშვილს ბრალი წაუყენეს. შინაგან საქმეთა სამინისტროს ინფორმაციით, მისი დანაშაული დაკვალიფიცირდა სისხლის სამართლის კოდექსის 140 მუხლით, რაც გულისხმობს სქესობრივ კავშირს ან სექსუალური ხასიათის სხვაგვარ მოქმედებას თექვსმეტი წლის ასაკს მიუღწეველ პირთან.
შეგახსენებთ, რომ სამართალდამცავებმა კასპის მუნიციპალიტეტის სოფელ აღაიანში, ჩვილის მკვლელობის ბრალდებით 16 წლის დედა 21 მაისს დააკავეს. გორის რაიონულმა სასამართლომ ბრალდებულს 8 წლით თავისუფლების აღკვეთა მიუსაჯა, რომელიც არასრულწლოვანთა მართლმსაჯულების კოდექსის შესაბამისად, 1/4-ით შეუმცირდა და საბოლოოდ სასჯელის ზომად 6 წლით თავისუფლების აღკვეთა განესაზღვრა.
ბავშვის მამა, მეუღლისთვის მხოლოდ 6-წლიანი პატიმრობის შეფარდებას მსუბუქ სასჯელად აფასებდა და მიიჩნევდა, რომ იგი ჩადენილი დანაშაულისთვის უფრო მკაცრ სასჯელს იმსახურებდა