საქართველოს-პრემიერ მინისტრი გიორგი გახარია მეუფე პეტრეს განცახდებას ეხმაურება და ამბობს, რომ მსგავსი თავდასხმები პატრიარქზე სახელმწიფოსა და ეკლესიაზე თავდასხმას ნიშნავს.
თურქეთის რესპუბლიკაში ოფიციალური ვიზიტით მყოფმა საქართველოს პრემიერ-მინისტრმა წმინდა სინოდის სხდომის შემდეგ განვითარებულ მოვლენებზე საგანგებო განცხადება გააკეთა.
„მსგავსი წარმოუდგენელი თავდასხმები საქართველოს პატრიარქზე, ქვეყნის სულიერ სიმბოლოზე, არის შეტევა ქვეყანაზე, ჩვენს სახელმწიფოებრიობასა და ეკლესიაზე“,-ამბობს გახარია.
მისივე თქმით, საქართველოს პატრიარქი არის ჩვენი ქვეყნის სულიერების, ჩვენი წარსულის, დღევანდელობის და მომავლის შემკვრელი სიმბოლო. მისი აზრით, ადამიანები, რომლებიც საკუთარ ეგოს ვერ თოკავენ, ამით ჩვენს დღევანდელობასა და ხვალინდელ დღეს უდიდესი რისკის ქვეშ აყენებენ.
„ეს აბსოლუტურად მიუღებელი ფაქტია და დარწმუნებული ვარ, ჩვენი ქვეყნის თითოეული მოქალაქე დღეს ჩვენი პატრიარქის გვერდით იქნება. რა თქმა უნდა, ჩვენ ამასაც მოვერევით, ამასაც გავუძლებთ და აქედანაც უფრო გაძლიერებული ჩვენი პატრიარქის ლოცვა-კურთხევით გამოვალთ”, - განაცხადა გიორგი გახარიამ.
