პრეზიდენტის ადმინისტრაციაში უარყოფენ გავრცელებულ ინფორმაციას იმის თაობაზე, რომ სალომე ზურაბიშვილი „ციანიდის საქმეზე" მსჯავრდებულ დეკანოზ გიორგი მამალაძეს გიორგობის დღესასწაულზე, 23 ნოემბერს შეიწყალებს.
„ასეთი „ფეიკნიუსები" ხალხის შეცდომაში შეყვანისა და ამავე დროს პრეზიდენტზე ერთგვარი ზეწოლის მცდელობაა", აღნიშნავენ ადმინისტრაციაში.
მათი ინფორმაციით, ადმინისტრაციაში შეწყალების საქმეების განხილვა ჯერ არ განახლებულა და ამ ეტაპზე მუშაობა მიმდინარეობს შეწყალების ახალი წესის შემუშავებაზე.
31 ოქტომბერს გამართული წმინდა სინოდმა განაჩინა, რომ მსჯავრდებულ დეკანოზ გიორგი მამალაძეს გაეწიოს შუამდგომლობა საქართველოს პრეზიდენტთან შეწყალების თაობაზე, მისი ოჯახის რთული მდგომარეობისა და არაერთგზის თხოვნის გათალისწინებით.
შეგახსენებთ, რომ პრეზიდენტმა სალომე ზურაბიშვილმა, 18 სექტემბერს შეწყალების პროცესზე მორატორიუმი გამოაცხადა, რომელიც დღემდე ძალაშია
