საქართველოს პარლამენტის პლენარულ სხდომაზე დეპუტატები გედევან ფოფხაძე და დაჩი ბერაია ერთმანეთს დაუპირისპირდნენ. დაპირისპირება ფოფხაძის გამოსვლას მოჰყვა, რომელიც საპატრიარქოს გარშემო განვითარებულ მოვლენებზე საუბრობდა.
ბერაიამ ფოფხაძეს უთხრა, რომ იდეოლოგიით „ნაციონალური მოძრაობის" მხარესაა.
ბერაიას რეპლიკა გედევან ფოფხაძის გაღიზიანება გამოიწვია: „გამოვიდეს გარეთ, ფეხებზე მკიდია, დავბრიდავ მაგ ნაბი*ვარს" - მიმართა ფოფხაძემ ბერაიას.
დაპირისპირება მოხდა ლევან გოგიჩაიშვილსა და კობა ლურსმანაშვილს შორისაც.
ურთიერთშელაპარაკება ლევან გოგიჩაიშვილის მწვავე განცხადებებს მოჰყვა. გოგიჩაიშვილმა უმრავლესობის წევრები ორმაგ სტანდარტებში დაადანაშაულა. მან პარლამენტის ყოფილ თავმჯდომარესაც მიმართა და ჰკითხა, შერცხვა თუ არა საპატრიარქოსი, როდესაც პარლამენტში მარიხუანას კულტივაციის კანონს ლობირებდა.
გოგიჩაიშვილს კობა ლურსმანიშვილი გამოეხმაურა და უთხრა: „შენ არ გრცხვენია იმათთან, რომ დგახარ?" ლურსმანიშვილმა ხელით „ნაციონალურ მოძრაობასა" და „ევროპულ საქართველოზე" მიანიშნა.
„ვინ დგას ბიჭო მაგის გვერდზე, შე მართლა ნაძირალა? შენ მახსოვხარ ჩირგვებში, რომ იცოდე“, - მიმართა გოგიჩაიშვილმა „ქართული ოცნების“ წევრს.
