აჭარის მთავრობის ადმინისტრაციის თანამშრომლებმა, მოძრაობა „სირცხვილიას'' აქტივისტებსა და „ერთიანი ნაციონალური მოძრაობის“ წარმომადგენლებისგან პიკეტირებულ მთავრობის შენობაში შესვლა სამართალდამცავების დახმარებით შეძლეს.
ტრანსპარანტებით და საყვირებით საპროტესტო აქცია, „ნაციონალური მოძრაობის'' წევრებმა დილის 9 საათზე დაიწყეს. მათ შენობის ცენტრალურ შესასვლელთან ერთად, სათადარიგო შესასვლელიც დაიკავეს. აქციის მონაწილეები, გუშინ, საქართველოს პარლამენტში, პროპორციულ საარჩევნო სისტემაზე გადასვლის კანონპროექტის ჩაგდებას აპროტესტებენ და ასევე აჭარის მთავრობის გადადგომას ითხოვენ.
აქციის მონაწილეებსა და პოლიციას შორის დაპირისპირებაც მოხდა. შედეგად სამართალდამცავებმა ოთხი პირი დააკავეს, რომლებიც აჭარის მთავრობის თანამშრომლებს შენობაში შესვლის უფლებას არ აძლევდნენ. დაკავებულები ბათუმის პოლიციის განყოფილებაში არიან გადაყვანილები.
