შსს-ს სპეცდანიშნულების რაზმებმა პარლამენტის გარშემო შეკრებილი მომიტინგეების დაშლის ოპერაცია დაიწყეს. მათ წყლის ჭავლის გამოყენებაც დაიწყეს.
გავრცელებული ინფორმაციით პოლიციელებმა უკვე დააკავეს ათობით პირი, მათ შორის „გირჩის“ ლიდერი ზურაბ ჯაფარიძე, სამოქალაქო აქტივისტი გიგა მაქარაშვილი, „ნაციონალური მოძრაობის“ წევრი ოთარ სირაძე, ადვოკატი ბექა ბასალია, აქციის ერთ-ერთი ორგანიზატორი ზუკა ბერძენიშვილი და საკრებულოს წევრი ირაკლი ნადირაძე.
სპეციალური საშუალებებით აღჭურვილი ნაწილი ძალოვნების ერთი ნაწილი მოემართება მთავრობის ადმინისტრაციიდან, საიდანაც ჩიტაძისა და ჭიჭინაძის ქუჩებზე გავიდნენ. აქციის მონაწილეები სპეცრაზმს ხელებაწეული, ზოგიც დამსხდარი უხვდებიან.
ძალოვნების ერთი ნაწილი განლაგებულია რუსთაველის პროსპექტზე, ოპერის თეატრთან პარლამენტისკენ წამოსასვლელად ბრძანებას ელოდებიან.
სპეცრაზმი პარლამენტისკენ ცოტა ხნის წინ, მას შემდეგ დაიძრა, რაც აქციის მონაწილეებისთვის მიცემული 30 წუთიანი ულტიმატუმი ამოიწურა