Search
"ლიბერალი" მისამართი: თბილისი, რუსთაველის 50 ტელეფონი: +995 32 2470246 ელ. ფოსტა: [email protected] Facebook: https://www.facebook.com/liberalimagazine
გაგზავნა
გაგზავნა

სამოქალაქო საზოგადოება და ოპოზიცია მასშტაბურ საპროტესტო აქციებს და პარლამენტის შენობის პიკეტირებას აანონსებს

20 ნოემბერი, 2019 12:34

სამოქალაქო საზოგადოება და ოპოზიცია ახალ სამოქმედო გეგმას ახმოვანებს.    აქციები და პარლამენტის პიკეტირება მომავალი კვირის ორშაბათიდან გაგრძელდება.

„25 ნოემბერს მასშტაბური შეკრება და კვლავ პარლამენტის შენობის პიკეტირება“, - განაცხადა აქციის ერთ-ერთმა ორგანიზატორმა შოთა დიღმელაშვილმა. მისი თქმით, ისინი სამშაბათს პარლამენტის პლენარული სხდომის ჩაშლას გეგმავენ. თუ დეპუტატებს პარლამენტში შესვლა მოუნდებათ, ისევ მოუწევთ პოლიციის გამოყვანა, რადგან საკუთარი ნებით მათ შენობაში არ შეუშვებენ.

„დეპუტატებს თუ მოუნდებათ პარლამენტში შესვლა, ჯერ ქართული პოლიცია უნდა წავიდეს ქართველი ხალხის წინააღმდეგ და ჩვენ ყველა უნდა გაგვწიონ, მოიყვანონ წყლის ჭავლის მანქანა და 5000 პოლიციელი“, - განაცხადა დიღმელაშვილმა.

პარლამენტის წინ მიმდინარე აქციაზე ოპოზიციის გეგმები    „ლეიბორისტული პარტიის“ გენერალურმა მდივანმა გიორგი გუგავამ გაახმოვანა.

გეგმის მიხედვით,   ორშაბათს 7 საათზე ოპოზიცია შეიკრიბება რესპუბლიკის მოედანზე, საიდანაც მოეწყობა ფართომასშტაბიანი მსვლელობა რუსთაველის გამზირისკენ.

„ორშაბათამდე ყოველდღიურად გაიმართება უმწვავესი აქციები, ადმინისტრაციული შენობების პიკეტირებები. უნდა ვაიძულოთ, რომ დაჰყვნენ ქართველი ხალხის ნებას და მოშორდნენ ამ ქვეყანას“, -   განაცხადა გუგავამ.

კომენტარები

ამავე რუბრიკაში

08 ივნისი
08 ივნისი

რატომ უნდა ვიცნობდეთ რეი კურზველს?

ლიბერალმა“, როგორც მედიაპლატფორმამ, არაერთი საზოგადოებრივ-პოლიტიკური პერიპეტია გამოიარა. რამდენჯერმე შეიცვალა სარე ...
12 დეკემბერი
12 დეკემბერი

რა მოხდა „ლიბერალში"

დეკემბრიდან „ლიბერალის" რედაქციამ მუშაობა შეწყვიტა. ახალმა სარედაქციო გუნდმა ჟურნალში მუშაობა 2019 წლის ივნი ...
29 ნოემბერი
29 ნოემბერი

დროა მხარეებმა ერთმანეთთან საუბარი დაიწყ ...

საქართველოში ევროკავშირის ელჩმა, კარლ ჰარცელმა ჟურნალისტებს ხელისუფლებისა და ოპოზიციის წარმომადგენლებს შორის ხვალ დაანონ ...
^