თბილისის საქალაქო სასამართლო „მთავარი არხის“ ერთ-ერთი დამფუძნებლის გიორგი რურუას აღმკვეთი ღონისძიების შეფარდებაზე მსჯელობს. იგი წარდგენილ ბრალდებაში თავს უდანაშაულოდ ცნობს და აცხადებს რომ იარაღი რომლის ტარებასაც პროკურატურა ედავება თვალითაც არ უნახავს.
„როგორც თქვენ არ გინახავთ, ისე მე არ მინახავს იარაღი. ჩხრეკა არ ჩატარებულა და მეუბნებიან, რომ იარაღი ამოიღეს“, - განაცხადა რურუამ.
გიორგი რურუას სხვა ადვოკატებთან ერთად „მთავარი არხის“ გენერალური დირექტორი ნიკა გვარამიაც იცავს.
შეგახსენებთ, რომ გიორგი რურუა პოლიციამ 18 ივნისს, სისხლის სამართლის კოდექსის 236-ე მუხლით გათვალისწინებული დანაშაულისთვის დააკავეს, რაც ცეცხლსასროლი იარაღის მართლსაწინააღმდეგო შეძენა-შენახვა-ტარებას გულისხმობს.