თავდაცვის სამინისტროს საზოგადოებასთან ურთიერთობის სამსახურის წარმომადგენლის, მაკა საგინაშვილის თქმით, სამინისტრომ მოკვლევა დაიწყო იმ პირის ვინაობის დასადგენად, ვინც ვიდეო გაავრცელა. საქმე ეხება youtube-ზე გავრცელებულ ვიდეოს "ჯიჰადი ქართველი ჯარისკაცების წინააღმდეგ".
ვიდეო მუქარის შემცველ მოწოდებებს შეიცავს საქართველოსა და პრეზიდენტ სააკაშვილის წინააღმდეგ. ვიდეოში ნათქვამია, რომ ყველა ჯვაროსანი, ვინც თალიბების წინააღმდეგ იბრძვის, დაისაჯა და ქართველებიც დაისჯებიან. ვიდეოში ხშირად არის ნაჩვენები ქართული დროშა, ასევე ავღანეთში მომხდარი აფეთქებები, რომლის დროსაც ქართველი ჯარისკაცები დაიღუპნენ.
