სახალხო დაცველის, უჩა ნანუაშვლის ინფორმაციით, შეწყალების კომისიამ სრულად გათავისუფლების რეკომენდაცია 54 მსჯავრდებულზე გასცა, საიდანაც 4 არასრულწლოვანია, 15 მსჯავრდებულზე კი სასჯელის განახევრების რეკომენდაცია არსებობს. ომბუდსმენის ინფორმაციით, შეწყალებულ პირთა სიაში ქალებიც არიან. 

უჩა ნანუაშვილის თქმით, შეწყალებულ პირთა დიდი ნაწილი ნარკოტიკული დანაშაულის გამოა მსჯავრდებული. მისი ინფორმაციით, შესაწყალებელ პირთა სიას, შესაძლოა, რამდენიმე ადამიანი კიდევ დაემატოს.

შეწყალების კომისიის სხდომა ამ დრომდე მიმდინარეობს. როგორც ცნობილია, კომისიამ დღევანდელ სხდომაზე 160-მდე საქმე განიხილა.

სახალხო დამცველის განმარტებით, ამჟამად ნასამართლეობის მოხსნასთან დაკავშირებული საქმეების განხილვა მიმდინარეობს.

უჩა ნანუაშვილის თქმით, შესაძლოა, დეტალების კარგად შესწავლის მიზნით, შესაძლოა, რამდენიმე საქმის განხილვა გადაიდოს.

დღეს შედგენილი ოქმი პრეზიდენტს, სავარაუდოდ, ხვალ გაეგზავნება.