თბილისში ე.წ. „ქართველთა მარში“ გაიმართა. აქციის მონაწილეების თქმით, ეროვნულ განმანთავისუფლებელ მოძრაობას აფუძნებენ. “ქართველთა მარშის” ორგანიზატორები მოითხოვენ, ყველა არალეგალმა უცხოელმა დატოვოს საქართველოს ტერიტორია.
„ქართველთა მარშთან“ დაკავშრებით პლატფორმა “არა ფობიამ” განცხადება გაავრცელა, სადაც მოუწოდებდა ხელისუფლებას, მიეღო სათანადო ზომები, რათა “ქართველთა მარშის” მსვლელობისას თავიდან აეცილებინათ რასისტულ და ქსენოფობიურ ნიადაგზე ნებისმიერი ძალადობის გამოვლინება. მათი თქმით, ორგანიზატორები და მონაწილეები წარმოადგენენ რადიკალურულტრანაციონალისტურ ჯგუფებს და არსებობს მათგან აგრესიისა და ძალადობის გამოვლენის საფრთხე.
