მარნეულში, ისევე როგორც მთლიანად მარნეულის რაიონში, მოსახლეობის 83%-ს ეთნიკურად აზერბაიჯანელები შეადგენენ. აქ ჩამოსულისთვის ძნელად დასაჯერებელია, რომ ის საქართველოშია.
მარნეულიდან ორიოდ კილომეტრში ცხოველთა ბაზრობაა განლაგებული, სადაც ცხენებით, ცხვრებით, კამეჩებით და ძროხებით ვაჭრობენ. წელიწადის ნებისმიერ დროს, ნებისმიერ ამინდში, ბაზრობა ყოველ კვირა დღეს, დილის 7 საათიდან დღის 12 საათამდე გრძელდება. საქონლით მოვაჭრეების 95% აზერბაიჯანელია. ბაზრობა სავსეა მარნეულისა და მისი შემოგარენი სოფლების მკვიდრებით. იქ ძირითადად მამაკაცები ვაჭრობენ. მათთან ერთად კი მათი შვილებიც არიან, რომელთა სამომავლო დასაქმების, შესაძლოა ერთადერთი, შანსი სწორედ ბაზრობაზე მუშაობაა. მყიდველებთან საურთიერთოდ მათ დიდი ძალისხმევა სჭირდებათ - კოჭლი ქართულის თუ რუსულის გამოყენებით, საბოლოოდ მაინც იგებ სათქმელს. ბაზრობა ამ ადამიანების შემოსავლის შესაძლოა არა ერთადერთი, მაგრამ ძირითადი წყაროა.
დაფინანსებულია საქართველოში აშშ-ის საელჩოს მიერ
