სრულწლოვანების შესრულების შემდეგ სახელმწიფო ზრუნვის სისტემიდან გასული ბავშვების მომავალი ხშირ შემთხვევაში ბუნდოვანია. საცხოვრებელი, განათლებაზე ხელმისაწვდომობა, დასაქმება, სოციალიზაცია - ამ პრობლემებს მზრუნველობამოკლებული ბავშვები სრულწლოვანების შემდეგ მარტო დარჩენილები ხვდებიან.

სახელმწიფო ზრუნვის სისტემიდან გამოსული ახალგაზრდებისთვის საზოგადოებაში ინტეგრაციის ხელშემწყობი პროგრამები ცოტაა.
ამ საკითხებზე მომუშავე არასამთავრობო ორგანიზაციების წარმომადგენლები აზრით, სახელმწიფომ ზრუნვის ქვეშ მყოფი ბავშვების დამოუკიდებელი ცხოვრებისათვის მომზადებისა და შემდგომი მხარდაჭერისთვის ქმედითი ნაბიჯები უნდა გადადგას.

აღნიშნულ თემაზე ფრონტლაინ კლუბში დისკუსია გაიმართა.

ნუცა ოდიშარია - ჯანდაცვის სამინისტრო, სოციალური დაცვის დეპარტამენტის უფროსი
მარი წერეთელი - ჯანდაცვის სამინისტრო, მზრუნველობისა და სოციალური პროგრამების დეპარტამენტის უფროსი
მარინა შაღაშვილი - "საქართველო SOS ბავშვთა სოფელი"
მირანდა ზგირვაჩი - საქართველოს კოალიცია ბავშვებისა და ახალგაზრდების კეთილდღეობისათვის

მოდერატორი:
ჯაბა ნაჭყებია - გაეროს ბავშვთა ფონდი

დისკუსია ტარდება ფრონტლაინ ჯორჯია კლუბის და ჟურნალ ლიბერალის ერთობლივი პროექტის - “დისკუსიები ბავშვთა უფლებების თემაზე” ფარგლებში, გაეროს ბავშვთა ფონდის (UNICEF) მხარდაჭერით.