„პირველ რიგში ჩვენი საზრუნავი არის ჩვენი მოქალაქე და ჩვენი მოქალაქის ჯანმრთელობა", - ამბობს ეკონომიკისა და მდგრადი განვითარების მინისტრი დიმიტრი ქუმსიშვილი, მარჯვენასაჭიანი ავტომანქანების რეგისტრაციის აკრძალვის შემთხვევაში ავტომანქანის ღირებულების შესაძლო ზრდის შესახებ.
ქუმსიშვილის თქმით, მარჯვენასაჭიან ავტომანქანებთან დაკავშირებით გადაწყვეტილების მიღების შემთხვევაში, პირველი სტიმული, რაც მთავრობას აქვს, მოქალაქეების უსაფრთხოება და უსაფრთხო გადაადგილებაა.
„ეს არის ამოსავალი წერტილი და ამოსავალი წერტილია ის ეკოლოგიური მდგომარეობა, რომელიც ჩვენ გვაქვს", - ამბობს ქუმსიშვილი.
ეკონომიკის მინისტრის თქმით, დღეის მდგომარეობით, საავტომობილო ბაზარზე ფასები ძალიან შემცირებულია.
„ავტომობილები არის ხელმისაწვდომი და ვიმედოვნებთ, მომავალშიც ასე გაგრძელდება", - თქვა ქუმსიშვილმა.
