მიგრაციის კრიზისთან დაკავშირეით ევროკავშირის ლიდერები საერთო პოზიციაზე შეთანხმდნენ, რომელსაც თურქეთს წარუდგენენ. ამი შესახებ ლუქსემბურგის პრემიერ-მინისტრმა ქსავიე ბეტელმა განაცხადა. როგორც მან Twitter-ზე დაწერა, პარასკევს საბჭოს სხდომის დაწყებამდე თურქეთის პრემიერ-მინისტრს შეთანხმების პროექტს ევროპული საბჭოს პრეზიდენტი დონალდ ტუსკი წარუდგენს.
შეთავაზება საბერძნეთში თურქეთიდან გადასული ყველა მიგრანტის უკან დაბრუნებას ითვალისწინებს. სანაცვლოდ კი, როგორც მოსალოდნელია, ევროკავშირი ანკარას ფინანსურ დახმარებასა და შენგენის ქვეყნებთან უვიზო მიმოსვლას შესთავაზებს.
გერმანიის კანცლერმა ანგელა მერკელმა თურქეთი გააფრთხილა, რომ მან ლტოლვილთა დაცვის საერთაშორისო სტანდარტები უნდა უზრუნველყოს.
მისი განმარტებით, შეთანხმების მიხედვით თურქეთის ბანაკებიდან ევროკავშირში ლტოლვილების გადასახლება რამდენიმე დღეში დაიწყება მას შემდეგ, რაც საბერძნეთიდან თურქეთში პირველი არალეგალი მიგრანტი დაბრუნდება.
თურქეთს პრემიერ-მინისტრის, აჰმეტ დავუთოღლუს განცხადებით, თურქეთ არ აპირებს ლტოლვილებისთვის „ღია ციხედ“ იქცეს.
წყარო: BBC
