სამების საკათედრო ტაძარში ხანძრის შედეგად დაზიანებული ინფრასტრუქტურის აღსადგენად ფინანსთა სამინისტრომ სარეზერვო ფონდიდან საპატრიარქოს 3 737 400 ლარი გამოუყო. აღნიშნული განკარგულება საქართველოს მთავრობის ადმინისტრაციის ვებგვერდზე 5 მაისს გამოქვეყნდა და მას პრემიერ-მინისტრი აწერს ხელს.
„სამების საკათედრო-საპატრიარქო ტაძარში გაჩენილი ხანძრის შედეგად დაზიანებული ინფრასტრუქტურის რესტავრაცია-აღდგენის და მასთან დაკავშირებული ხარჯების დაფინანსების მიზნით, საქართველოს ფინანსთა სამინისტრომ „საქართველოს 2016 წლის სახელმწიფო ბიუჯეტის შესახებ” საქართველოს კანონით გათვალისწინებული საქართველოს მთავრობის სარეზერვო ფონდიდან საქართველოს საპატრიარქოს გამოუყოს 3 737 400 ლარი”, - ვკითხულობთ განკარგილებაში.
სამების საკათედრო ტაძრის პირველ სართულზე ხანძარი 20 მარტს გაჩნდა. ცეცხლი სტამბის ნაწილს წაეკიდა და დაიწვა 1200 კვ.მ.
