ქალთა პოლიტიკური მონაწილეობის სამუშაო ჯგუფმა (Task Force) პარლამენტში კანონპროექტი შეიტანა. კანონპროექტს ხელს 37 455 ამომრჩეველი აწერს. 

ინიციატივის მიზანია კვოტების დაწესება ქალთა პოლიტიკური მონაწილეობის გასაზრდელად. კანონპროექტის მიხედვით,  ცვლილებები უნდა შევიდეს ორ კანონში. 

ცვლილებები ეხება საქართველოს საარჩევნო კოდექსს და კანონს მოქალაქეთა პოლიტიკური გაერთიანებების შესახებ. ცვლილებების მიხედვით, პარტიები და საარჩევნო ბლოკები ვალდებულები იქნებიან, საარჩევნო სია გენდერული თანასწორობის პრინციპების დაცვით დააკომპლექტონ და სიაში ყოველი მეორე განსხვავებული სქესის კანდიდატი წარადგინონ. იმ შემთხვევაში კი, თუ არჩეულ წევრს რაიმე მიზეზით შეუწყდება დეპუტატის უფლებამოსილება, მაშინ დეპუტატის მანდატს იმავე სქესის, რიგით მომდევნო კანდიდატი მიიღებს.

საკანონმდებლო ინიციატივის დარეგისტრირებას „ქართველ და გერმანელ ქალთა განათლებისა და ინფორმაციის საერთაშორისო ცენტრი“ უწევს ადმინისტრირებასა და კოორდინაციას.

ქალთა პოლიტიკური მონაწილეობის სამუშაო ჯგუფი არის დროებითი, არაფორმალური გაერთიანება, რომლის მიზანია საქართველოში ქალთა პოლიტიკური თანამონაწილეობის ზრდის ხელშეწყობა. სამუშაო ჯგუფის წევრები არიან ადგილობრივი არასამთავრობო ორგანიზაციები, ასევე საერთაშორისო სამთავრობო და არასამთავრობო ორგანიზაციები. 

ქალთა პოლიტიკური მონაწილეობის გასაზრდელად სავალდებულო გენდერული კვოტირების შემოღების შესახებ ინიციატივა ჯგუფს გასულ წელსაც ჰქონდა, თუმცა პარლამენტმა საკანონმდებლო წინადადებას მხარი არ დაუჭირა. 

38 ქალი პარლამენტში - ნაბიჯი პირველი

არჩევნები სავალდებულო გენდერული კვოტირების გარეშე​

ქალის ხმა პოლიტიკაში

ქალები გადაწყვეტილებებს მიღმა​