პარლამენტის პლენარულ სხდომაზე საქართველოს შინაგან საქმეთა მინისტრს, გიორგი გახარიას უსმენენ. მინისტრის მიმართვის შემდეგ სხდომა კითხვა-პასუხით (დებატებით) გაგრძელდა. ამ წუთებში დეპუტატები მინისტრს შეკითხვებს უსვამენ.
„ქართული ოცნების“ დეპუტატმა, მარიამ ჯაშმა მინისტრს მადლობა გადაუხადა. როგორც მან აღნიშნა, სიმბოლურია ის ფაქტი, რომ დარბაზში კობა ნარჩემაშვილი და გიორგი გახარია ერთად არიან.
„დღეს გაჟღერდა 2003 წელი და ძალიან სიმბოლურია, რომ დღეს დარბაზში გვესწრება ჩვენი გუნდის ორი წევრი კობა ნარჩემაშვილი, რომელიც იყო მთავარი მოქმედი პირი 2003 წლის მოვლენების მშვიდობიანად დასრულებასთან დაკაშირებით და დღეს გვყავს გიორგი გახარია, რომელმაც ასევე 13 მაისი მშვიდობიანად, კონფლიქტის გარეშე დაასრულა. ეს არის დადასტურება იმისა, რომ ამ ხელისუფლების ძალოვანი სტრუქტურა არასდროს არ წავა საკუთარი საზოგადოების წინააღმდეგ,“ - განაცხადა მარიამ ჯაშმა.
შსს-ს მინისტრს დღეს პარლამენტში სამ საკითხზე უსმენენ:
2018 წელს შსს-ს მიერ გაწეული სამუშაოს შედეგების შესახებ;
შსს-ში მიმდინარე და დაგეგემილი რეფორმების შესახებ;
2018 წლის 12 მაისს კლუბ „ბასიანსა“ და „გალერიში“ ჩატარებული საგამოძიებო მოქმედებების შესახებ.
