ე.წ. "ციყვების" ტერიტორიაზე მერიის თანამშრომლები ნერგების გატანას ცდილობენ. როგორც ირა ჭელიძე ამბობს, ეს პროცესი უკანონოდ განახლდა, რადგან საკითხის განხილვა საკრებულოში ჯერ კიდევ არ დასრულებულა.
"საუბარია იმაზე, რომ საჭირო დოკუმენტაცია წესრიგში არ იყო, ამიტომ შეხვედრები და განხილვები საკრებულოში ჯერ კიდევ მიმდინარეობს და პროცესი შეჩერებული იყო. დღეს, როგორც ჩანს, კარგი დრო შეარჩიეს, ორშაბათი შუადღე, როცა უმეტესობა სამსახურიდან გამოსვლას ვერ შეძლებს, მაგრამ მაინც ველოდებით ხალხს, რომ სატვირთო მანქანით ნერგების გატანის საშუალება არ მივცეთ," - ამბობს ჭელიძე.
თბილისის მერიის პრესსამსახურში გვპასუხობენ, რომ კომენტარს მოგვიანებით გააკეთებენ.
