უკრაინული მედია გრუშევსკის ქუჩაზე შეტაკებების დროს ერთ-ერთი დაღუპულის ვინაობას ასახელებს. გაზეთ “სევოდნიას” ცნობით, ცეცხლსასროლი იარაღიდან მიყენებული ჭრილობებით გარდაიცვალა სერგეი ნიგოიანი, რომელიც ევრომაიდანის აქტივისტი იყო.

ოპოზიციის ცნობით, ის კიევში აქციაში მონაწილეობის მისაღებად დნეპროპეტროვსკიდან 8 დეკემბერს ჩამოვიდა. ოპოზიციის ცნობით, მას ჭრილობები თავისა და ყელის არეში აღენიშნება, რის გამოც ხელისუფლების ოპონენტები ვარაუდობენ, რომ ის სნაპიერის ტყვიამ იმსხვერპლა.

უკრაინული მედიის ცნობით, კიევში შეტაკებებს სულ მცირე 2 დემონსტრანტის სიცოცხლე ესმხვერპლა. ამ ცნობებს ოფიციალურად ჯერ არ ადასტურებენ. კიდევ ერთი მომიტინგე 21 წლის ახალგაზრდა დინამოს სტადიონის ერთ-ერთი კოლონადიდან გადმოვარდა და მიღებული დაზიანებებით საავადმყოფოში გარადაიცვალა.

კიევში გრუშევკის ქუჩაზე დემონსტრანტებსა და პოლიციას შორის შეტაკებები დღეს დილიდან კვლევა განახლდა. სპეცდანიშნულების რაზმი გრუშევსკის ქუჩიდან დემონსტრანტების გაძევებას შეეცადა. თუმცა მომიტინგეები კონტრშეტევაზე გადავიდნენ და დაკავებული პოზიციების დათმობას არ აპირებენ.

უკრაინის დედაქალაქში ისმოდა სროლის ხმაც. ჯერ უცნობია, რა ტიპის იარაღს იყენებენ სამართალდამცველები. თუმცა ცნობილია, რომ დღეიდან ძალაშია კანონი, რომელიც სპეცდანიშნულების რაზმს არასანქცირებული მიტინგის დასაშლელად სპეციალური საშუალებების გამოყენების უფლებას აძლევს.

კიევში ბოლო დღეების განმავლობაში დაპირისპირების დროს 1400-ზე მეტი ადამიანი დაშავდა, მათ შორი 35 ჟურნალისტი. კიევში საპროტესტო აქციების ახალი ტალღა მას შემდეგ აგორდა, რაც სახელმწიფო რადამ მიიღო კანონები, რომელიც დემონსტრაციების მონაწილეების მიმართ სანქციების მნიშვნელოვანდ ამკაცრებს. ცნობილია, რომ დღეს კიევში ე.წ. ალტერნატიული პარლამენტის - „უკრაინის სახალხო საბჭოს“ დამფუძნებელი კრება და დიდი მსვლელობა არის დაგეგემილი. ეროვნული წინააღმდეგობის შტაბში გამოსვლისას, ოპოზიციის ერთ-ერთმა ლიდერმა, არსენი იაცენიუკმა თანამემამულეებს კიევში ჩასვლისაკენ მოუწოდა.

წყარო:unian.net

          espreso.tv