სოფელ მოხეში პოლიციამ აქციის მონაწილე 14 მუსლიმი დააკავა. ინფორმაცია ამის შესახებ „ლიბერალს“ შსს-ს პრესსამსახურში დაუდასტურა.
მანამდე ინფორმაციას მუსლიმების დაკავების შესახებ ადამიანის უფლებათა სწავლებისა და მონიტორინგის ცენტრი ავრცელებდა. როგორც EMC-ს აქციის მონაწილემ აცნობა, პოლიციელმა სიტყვიერი შეურაცხყოფა მიაყენა ერთ-ერთ მუსლიმს. სამართალდამცველებმა ტელეფონები ჩამოართვეს და დაუმტვრიეს ადამიანებს, რომლებიც ვიდეოკამერით აფიქსირებდნენ ძველი მეჩეთის დემონტაჟს.
დაპირისპირება მოხეში 18 ოქტომბერს დაიწყო, როდესაც ყოფილი მეჩეთის ტერიტორიაზე, გამგეობის გადაწყვეტილებით, შენობის დემონტაჟისა და მისი კულტურის სახლად გადაკეთებისთვის ტენდერში გამარჯვებული კომპანიის მუშები გამოჩნდნენ.
