საბერძნეთის რადიკალ მემარცხენეთა ლიდერი - ალექსი ციპრასი საბერძნეთის ახალი პრემიერ-მინისტრია. პრეზიდენტის სასახლეში უკვე გაიმართა ფიცის დადების ცერემონია, რომელსაც ქვეყნის პრეზიდენტი კაროლოს პაპულიასიც ესწრებოდა. პრემიერ-მინისტრმა დაიფიცა, რომ დაიცავს ქვეყნის კონსტიტუციასა და კანონებს და ემსახურება ბერძენი ხალხის ინტერესებს.

ქვეყნის მასშტაბით ხმების 36,34% პარტია „სირიზამ“ მიიღო და პარლამენტში 300-დან 149 მანდატი მოიპოვა. მემარჯვენე ცენტრისტულ პარტიას „ახალი დემოკრატია“ ხმათა 27,81% (76 ადგილი) ერგო. მესამე ადგილზე 6,28 %-ით (17 ადგილი) ულტრამემარჯვენე პარტია „ოქროს განთიადი“ გავიდა.