Search
"ლიბერალი" მისამართი: თბილისი, რუსთაველის 50 ტელეფონი: +995 32 2470246 ელ. ფოსტა: [email protected] Facebook: https://www.facebook.com/liberalimagazine
გაგზავნა
გაგზავნა

სუბარი თოფაძეზე: სტალინი პირველ რიგში მას მიადგებოდა, როგორც კაპიტალიზმის გადმონაშთს

28 ოქტომბერი, 2015 17:20

„სტალინი რომ მოვიდეს, პირველ რიგში, გოგი თოფაძეს მიადგება, როგორც იმპერიალიზმის აგენტს, კაპიტალიზმის გადმონაშთს და გააკულაკებენ და გააციმბირებენ; თქვენთან და ჩემთან მოვლენ მეორე და მესამე რიგში“, - საქართველოს ოკუპირებული ტერიტორიებიდან იძულებით გადაადგილებულ პირთა, განსახლებისა და ლტოლვილთა მინისტრი სოზარ სუბარი გოგი თოფაძეს პასუხობს.

„მაესტროს ფაქტორში“ სტუმრობისას საპარლამენტო უმრავლესობის წევრმა გოგი თოფაძემ განაცხადა, რომ „მალე საქართველოში სტალინის სურათი ყველა კაბინეტში დაიკიდება, იმიტომ რომ ის იყო გენიალური პიროვნება, მე-20 საუკუნეში აღიარებული“.

მან ამავე გადაცემაში სტუმრად მყოფი „ნაციონალური მოძრაობის“ წევრი გიორგი კანდელაკი წამებისა კადრების გამო გააკრიტიკა.

„ბატონო გოგი, წამებაზე როგორ ლაპარაკობთ, სტალინის მეხოტბე ხართ“, - ასე უპასუხა კანდელაკმა თოფაძის რეპლიკას.

კანდელაკის საპასუხოდ თოფაძემ აღნიშნა, რომ მალე ყველა მიხვდება, რომ სტალინმა დიდი სიკეთე გააკეთა.

„მას მთელი მსოფლიო თვლის ერთ-ერთ დიდ პიროვნებად. კანდელაკია თუ ვიღაც, რა უფლებით ლანძღავს სტალინს, გეკითხებით მუსოლინის ძეგლი რატომ დგას იტალიაში?

მგონია, რომ სტალინი იყო სიმბოლო საქართველოსი, ჩინეთში ჩასული რომ იყო ჩვენი დელეგაცია, თან გადაყვნენ, სტალინის ქვეყნიდან არიანო. მე მიმაჩნია, ის იყო საქართველოსთვის საამაყო ადამიანი... ჩემი თანაგუნდელები და ჩემნაირი ხალხი ყველა არის ამ აზრზე, რომ სტალინი იყო გამოჩენილი პიროვნება. არ აქვს უფლება არც ერთ ქართველს, ასე ხელაღებით ილაპარაკოს სტალინზე“, - თქვა თოფაძემ.

კომენტარები

ამავე რუბრიკაში

20 თებერვალი
20 თებერვალი

ქართულ მხარეს სურს, იუნესკომ ქართული ტოლ ...

​საქართველოს პრეზიდენტი სალომე ზურაბიშვილი, საფრანგეთში ვიზიტის ფარგლებში, UNESCO-ს გენერალურ მდივანს ოდრი აზულს შეხვდა. ...
20 თებერვალი
20 თებერვალი

„ქართული მარში" აცხადებს, რომ ის ფიზიკურ ...

„ქართული მარში" აცხადებს, რომ ის ფიზიკურად არ დაუშვებს, გეი ფესტივალის, გეი აღლუმის ჩატარებას", - ა ...
19 თებერვალი
19 თებერვალი

პარლამენტმა შრომის უსაფრთხოების შესახებ ...

78 მომხრე, არცერთი წინააღმდეგი - პარლამენტმა მესამე მოსმენით მხარი დაუჭირა საკანონმდებლო პაკეტს, რომლის მიხედვით, &bdquo ...
^