კანადური კომპანია, რომელიც ადგილობივი კურორტის ჰაერს ბოთლებით ყიდის, აცხადებს, რომ პროდუქტზე მოთხოვნა განსაკუთრებით ჩინეთიდან გაიზარდა.
Vitality Air-ის ინფორმაციით, 500 კონტეინერი, რომელიც მთიან ქალაქ ბანფში აავსეს, ჩინეთში წინა თვეს გაიგზავნა და სულ რაღაც 2 კვირაში მთლიანად გაიყიდა.
„უკვე უამრავ შეკვეთას ვიღებთ და 1000 ერთეულის დისტრიბუციას ვუახლოვდებით“, - აცხადებენ კომპანიაში.
კონტეინერის ზომის მიხედვით, თითო ბოთლის ფასი 14-დან 20 დოლარამდე მერყეობს.
CNN-ის ინფორმაციით, ჩინეთში, ჩრდილოეთით მდებარე ქალაქებისთვის დამახასიათებელია სმოგი, განსაკუთრებით კი ზამთარში, როცა სახლების გასათბობად და ქარხნების ასამუშავებლად ქვანახშირს წვავენ. გასულ კვირას პეკინში ჰაერის ხარისხის გამო სკოლებში სწავლა შეწყდა.