უნივერსიტეტის საზოგადოებასთან ურთიერთობის სამსახურის ინფორმაციით, ლადო პაპავა მცხეთაში წავიდა. ის ამ წუთებში სვეტიცხოველში ლოცვას ესწრება.
ლადო პაპავამ განათლების სამინისტროში მიმდინარე შეხვედრა, რომელსაც აკადემიური საბჭოს წევრები ესწრებოდნენ, დაწყებიდან 10 წუთში დატოვა. მედიის წარმომადგენლებმა რექტორისთვის შეკითხვის დასმა ვერ მოახერხეს. უნივერსიტეტის საზოგადოებასთან ურთიერთობის ხელმძღვანელის მაშინ თქვა, რომ რექტორს სხვა შეხვედრაც ჰქონდა დაგეგმილი.
დღეს ლადო პაპავა კათოლიკოს-პატრიარქს, ილია მეორეს შეხვდა. შეხვედრის შემდეგ პაპავამ განაცხადა, რომ შეხვედრა პატრიარქის ინიციატივით გაიმართა. როგორც რექტორმა თქვა, ილია მეორე დაინტერესებულია უნივერსიტეტში მიმდინარე პროცესებით, პატრიარქი ორივე მხარეს მოლაპარაკებისკენ მოუწოდებს.