ბრიტანული კვლევითი ცენტრის IHS Jane's-ის ინფორმაციით, 2015 წლის 1 იანვრიდან 15 დეკემბრამდე „ისლამურმა სახელმწიფომ“ თავისი ტერიტორიების 14%-ზე კონტროლი დაკარგა.

ბოლო სამი თვის განმავლობაში კი „ისლამურმა სახელმწიფომ“ ტერიტორიების კიდევ 8% დაკარგა. 2016 წელს ძირითადი დანაკარგები იყო ჩრდილო-აღმოსავლეთით. სირიის მთავრობამ წარმატებას ქვეყნის დასავლეთში მიაღწია. ბოლო ყველაზე დიდი დანაკრგი იყო 2015 წლის ივნისში პალმირსა და რამადიში, რომელიც სირიაში ჩრდილოეთის დანაკარგებს მოყვა. მათ შორის იყო სტარეგიულად მნიშივნელოვანი ტელ-აბიადი, რომელიც მთავარი სასაზღვრო ქალაქი იყო თურქეთსა და ხალიფათის დე-ფაქტო დედაქალაქს, რაქას შორის.

IHS-ის ცნობით, ტელ-აბიადის დაკარგვის შემდეგ „ისლამური სახელმწიფო“ ფინანსური პრობლემების წინაშე აღმოჩნდა, რასაც გადასახადების გაზრდა მოყვა. დაჯგუფების მებრძოლეების ხელფასები 50%-ით შემცირდა.

ჯიჰადისტების ნავთობობიექტებზე ავიადარტყმებმა მათი მდგომარეობა კიდევ უფრო გაართულა. სასაზღვრო ქალაქის დაკარგვამ და თურქეთის საზღვრის უსაფრთხოების გაძლიერებამ „ისლამური სახელმწიფოსკენ“ პოტენციური ახალწვეულევიბისა და ტვირთის რაოდენობა შეამცირა. IHS Jane's-ში მიიჩნევენ, რომ „ისლამური სახელმწიფოს" ეს მარცხი ახალი წევრების გადაბირების შესაძლებლობას ამცირებს.