თბილისის სააპელაციო სასამართლოში მიმდინარე „რუსთავი 2-ის" საქმის კომენტირებისას საპარლამენტო უმრავლესობის წევრი თამაზ მეჭიაური აცხადებს, რომ არხის სარედაქციო პოლიტიკა მოსწონს და არ ისურვებდა მის შეცვლას.

„თუ დარჩება აღნიშნული მენეჯმენტი, თავისთავად ცხადია, გაგრძელდება იგივე სარედაქციო პოლიტიკა. თუ შეიცვლება მესაკუთრე და შეეცდება ამის შეცვლას, აქედანვე ვთხოვ მას, რომ არ შეცვალოს და ისევ დატოვოს დამოკიდებული „ნაციონალურ მოძრაობაზე“. სახელმწიფოსგან ის ისედაც თავისუფალი იყო და არის. მე მაწყობს ასეთი მენეჯმენტი, იმედენად, რამდენადაც უფასო რეკლამას მიკეთებს „რუსთავი 2“, კერძოდ - სხვადასხვა შოუ, მე მათი ოჯახების ლუკმაპურის მიწოდებას უზრუნველვყოფ იმიტომ, რომ მათ საქმე აღარ ექნებათ, მე რომ არ ვიყო“, - ამბობს თამაზ მეჭიაური.