„მთავრობას სწორი მენეჯმენტი რომ ჰქონოდა, ალბათ, ჯობდა, ჯენიფერ ლოპესი ან კიმ კარდაშიანი ჩამოეყვანა”, - განუცხადა დღეს პრესკონფერენციაზე პარლამენტის საფინანსო-საბიუჯეტო კომიტეტის თავმჯდომარემ, თამაზ მეჭიაურმა ჟურნალისტებს.
„ალბათ, მმართველ გუნდს ეს კონცერტი აქტივში უნდოდა ჩაეწერა, მაგრამ თუნდაც ერთი უკანალის ჩვენებით ამდენი მილიონი უკუღმა შემოუტრიალდა. რამდენიმე ლგბტ ამომრჩეველი შეიძლება მათ დაემატათ, მაგრამ სამაგიეროდ სხვა ხმები დააკარგინა. სწორი მენეჯმენტი რომ ჰქონოდათ, ალბათ, ჯობდა ჯენიფერ ლოპესი ან კიმ კარდაშიანი ჩამოეყვანათ. მართალია, იქ ლგბტ-ების ხმები შესაძლოა დაეკარგათ, მაგრამ სამაგიეროდ, ასეთი ვაჟკაცების (აგერ, ოპერატორები რომ დგანან) ხმებს ნამდვილად მოიპოვებდნენ. ათეული მილიონი ასეთი იაფფასიანი შოუების მოსაწყობად ნამდვილად არ ღირდა”, - განაცხადა თამაზ მეჭიაურმა.
ფოტო: დინამო არენა, რობი უილიამსის კონცერტი, 2016