ნატა ფერაძე თბილისის მერიასთან შიმშილობას განაგრძობს. მისი მთავარი მოთხოვნაა ეკოლოგისაა და გამწვანების სამსახურის თანამშრომლების თანამდებობებიდან გათავისუფლება და გამოძიების დაწყება.
დღეს 7 საათზე დაგეგმილია აქცია-კონცერტი იპოდრომზე, საიდანაც აქციის მონაწილეები მსვლელობით წამოვლენ თბილისის მერიისკენ. „ახალგაზრდა იურისტთა ასოციაციაში“ კი სარჩელს ამზადებენ პროკურატურაში შესატანად.
„დღეს 7 საათზე იპოდრომზე ოპერის მომღერლების აქცია გაიმართება, იქიდან მსვლელობით მოვლენ მერიასთან. მე ვაგრძლებ შიმშილობას იმავე მოთხოვნებით. ახლა ვმუშაობთ საკითხზე, გადაყენების შემდეგ როგორი სტრუქტურით უნდა იმუშაოს ეკოლოგიის გამწვანების სამსახურმა.“ - უთხრა „ლიბერალს“ ნატა ფერაძემ.
გუშინ ალ. ყაზბეგის #24 ნომერში ხეები მოჭრეს. ამ ადგილას კომპანია „ორბი ჯგუფი" 1400-ნომრიან სასტუმროს აშენებს. ნატა ფერაძის თქმით მოჭრილი ხეები საღი იყო. ხოლო ამ ფაქტს გუშინ უარყოფდა მერიის ეკოლოგიისა და გამწვანების სამსახური. მათ მიერ გაცემული ნებართვის საფუძველზე „ორბი ჯგუფს“ უფლება ჰქონდა, მოეჭრა 45 ხე.